Utque fit, in gremium pulvis si forte puellae
  deciderit, digitis excutiendus erit.

Etsi nullus erit pulvis, tamen excute nullum!
  Quaelibet officio causa sit apta tuo.

Pallia si terra nimium demissa iacebunt,
  collige, et inmunda sedulus effer humo!

Protinus (officii pretium!) patiente puella
  contingent oculis crura videnda tuis.

Respice praeterea, post vos quicumque sedebit,
  ne premat opposito mollia terga genu!

Parva leves capiunt animos. Fuit utile multis
  pulvinum facili composuisse manu. Profuit et tenui ventos movisse tabella,
  et cava sub tenerum scamna dedisse pedem.

gremium – Schoß
pulvis, pulveris n. – Staub
decidere, decido – herabfallen
excutere, excuto – herausschütteln
quaelibet – jeder
pallium – Mantel
demissus, a, um – herabgefallen, heruntergerutscht
colligere, colligo – hier: aufheben, aufsammeln
inmundus, a, um – schmutzig
sedulus, a, um – eifrig
protinus (Adv.) – sofort
contingere, contingo – gelingen
crura videnda – die Beine zu sehen
quicumque – was für einer
oppositus, a, um – entgegengestellt, gegenüberliegend
mollis, e – weich, sanft
genu, us m. – Knie
pulvinus – Kissen
cavus, a, um – gewölbt
scamnum – Fußbank, Schemel